പ്രണയ ലേഖനം
മിന്നിച്ചിമ്മുന്ന താരങ്ങള്ക്കിടയിലൂടെ
ദൂതുമായ് പായുന്ന പ്രിയസഖീ നിന്
കയ്യില് നിന്നുമാ പ്രണയ ലേഖനം
താഴെ വീണതോ വീഴ്ത്തിയതോ
എന് വിരല് സ്പര്ശം ഏല്ക്കും മുമ്പേ
മഴ പെയ്ത് മായ്ച്ചൊരു
അക്ഷര ശകലങ്ങള്
വീണ്ടുമതില് ചേര്ക്കുകില്ലേ
മഴയുടെ കൈ കോര്ത്ത് വന്നൊരു
മാരിവില്ലിന് സപ്തവര്ണങ്ങള്
ചാലിച്ചെഴുതിയ പ്രണയം-
നിലാവിന്റെ വശ്യത വാരിയണിഞ്ഞ
നിന് കണ്ണുകളില് ഞാന് കൊതിച്ചൊരു പ്രണയം !!
ആ ചെറു കടലാസ് തുണ്ടില് നീ സമ്മാനിച്ച പ്രണയം
എന് നെഞ്ചോട് ചേര്ക്കുന്നു
ഹൃദയത്തില് കുറിക്കുന്നു.
ഇരുളിലും വെളിച്ചമാകാന്
തളരുമ്പോള് താങ്ങാകുവാന്
ഹൃദയത്തിന് സ്പന്ദനമാകുവാന്-
എന് വിരലോടു വിരല് ചേര്ക്കു നീ പതിയേ
പോേകണം ഇനി ദൂരം ഒന്നായ്...................
(adru........)
No comments:
Post a Comment